Конституциялық және азаматтық құқық кафедрасының доценті м. а. Г.Г. Галиакбарованың Иллинойс университетінде (АҚШ) тағылымдамадан өтуі туралы
Конституциялық және азаматтық құқық кафедрасының доценті м. а., Басқарма хатшысы-Ғалым хатшы Гузаль Газинуровна Галиакбарова 2023 жылғы 24 тамыз бен 2024 жылғы 23 мамыр аралығында әлемнің жетекші университеттерінің бірі АҚШ-тың Урбана-Шампейндегі Иллинойс университетінде (University of Illinois Urbana-Champaign, UIUC) «Болашақ» халықаралық бағдарламасы аясында тағылымдамадан өтті.
Урбана-Шампейндегі Иллинойс университеті 1867 жылы құрылған және Иллинойс университетінің кампустарының ішіндегі ең үлкені болып табылады. Иллинойс штатының орталығындағы біріктірілген Урбана мен Шампейн қалаларында орналасқан. Университетте 51 мыңнан астам білім алушы оқиды, сондай-ақ 2,5 мыңнан астам оқытушы жұмыс істейді, оның ішінде 11 Нобель лауреаттары бар.
2023-2024 оқу жылында Иллинойс университетінде «Болашақ» халықаралық бағдарламасының 15 стипендиаты-еліміздің түрлі жоғары оқу орындарының өкілдері тағылымдамадан өтті.
Тағылымдама бекітілген бағдарламаға сәйкес өтті және жоғары білім беру, оқу дизайны және онлайн оқыту саласындағы инновациялар мен трендтер саласында тәжірибе алуға, зерттеу нәтижелерін оқу бағдарламасына біріктіру дағдыларын дамытуға, Иллинойс университетімен ынтымақтастық нығайтуға бағытталған болатын. Г.Г. Галиакбарова түрлі воркшоптарға, университет профессорларының сабақтарына қатысты, сондай-ақ зерттеу жұмысы барысында АҚШ-та жоғары және жоғары оқу орнынан кейінгі білім беруді ерекше құқықтық реттеуді зерделеу бойынша жұмыс жүргізді, тәжірибе алу мақсатында осы салада салыстырмалы-құқықтық талдау жүргізді. Жұмыстың нәтижелері мерзімді басылымдарда да, бұқаралық ақпарат құралдарында да жарияланған мақалаларда көрініс тапты (мысалы, «Қазақстан мен АҚШ-та жоғары және жоғары оқу орнынан кейінгі білім беруді реттеу несімен ерекшеленеді?» https://adyrna.kz/post/199618).
Мақала жазу кезінде Иллинойс университетінің кітапханасының ресурстары мен дереккөздері пайдаланылды.
Урбана-Шампейндегі Иллинойс университетінің кітапханасы (University of Illinois Urbana- Champaign University Library) – АҚШ-тағы екінші үлкен университеттік кітапхана болып табылады.
Тағылымдама қорытындысы бойынша бағдарламаны сәтті аяқтағаны туралы сертификаттар салтанатты түрде табысталды.