Тәжірибе және еңбекпен қамту
2025-2026 оқу жылында халықаралық құқық кафедрасы академиялық күнтізбеге сәйкес практика бойынша жұмыс жүргізетін болады. Бірінші кезекте 6B04202 - "Халықаралық құқық", 7M04202 – "Халықаралық құқық", 8D04202 - "Халықаралық құқық" білім беру бағдарламалары бойынша кәсіптік практика бағдарламалары бекітілді.
Халықаралық құқық кафедрасының білім алушылары үшжақты шарт бойынша кәсіби практикадан өтеді. Практика базалары ҚР Сыртқы қатынастар органдары; халықаралық және өңірлік ұйымдар; дипломатиялық өкілдіктер, оның ішінде Қазақстан Республикасында аккредиттелген өкілдіктер; ұлттық компаниялар; мемлекеттік билік және басқару органдарының халықаралық ынтымақтастық жөніндегі департаменттері; сот органдары; құқық қорғау органдары; жеке фирмалар болып табылады.
Білім алушылардың практикасын дайындауды, ұйымдастыруды, басқаруды, оқу-әдістемелік қамтамасыз етуді бітіруші кафедра, атап айтқанда практика жетекшісі жүзеге асырады.
Практикадан өту кезінде практиканттар базалық ұйымның ішкі тәртіп ережелеріне бағынуға, еңбек тәртібін сақтауға, әкімшілік пен практика жетекшісінің өкімдерін орындауға міндетті. Білім алушылар практика кезінде өтуші-практикант функцияларын жүзеге асырады. Әрбір практикант практикалық жұмыс жүргізу үшін маман-тәлімгерге тіркеледі. Практикантқа практикалық қызметті ұйымдастыруда базалық органның практика жетекшілері және халықаралық құқық кафедрасының практика жетекшілері/оқытушылары көмек көрсетеді. Практика факультет деканы бекіткен, жоғары оқу орнынан кәсіптік практика жетекшісімен бірлесіп практикант жасаған жұмыс жоспары-кестесіне сәйкес жүргізіледі.
Кәсіптік практика "04 Бизнес, басқару және құқық" бағыты бойынша кадрларды кәсіби даярлаудың маңызды құрамдас бөліктерінің бірі. Бұл алынған білім мен дағдыларды теория саласынан күнделікті кәсіби қызмет саласына ауыстырудың тиімді механизмін білдіреді. Мамандарды даярлау жүйесіндегі орталық буын бола отырып, кәсіби практика білім алушыларға өздерінің кәсіби таңдауларының дұрыстығын тереңірек түсінуге, оқу процесінде алынған теориялық білімдердің игерілуін тексеруге, болашақ мамандықтың кәсіби маңызды қасиеттерін анықтауға көмектеседі. Ұйымның бірегей мүмкіндіктерін пайдалану оқу процесінде білім алушылардың білімі мен дағдыларын нақты кәсіби қызмет жағдайларына бейімдеуге мүмкіндік береді.
Кәсіби практика білім алушылардың оқу процесінде алған теориялық және практикалық білімдерін кеңейтуге және бекітуге, таңдалған білім беру бағдарламасы бойынша практикалық дағдыларды игеруге және жетілдіруге, болашақ кәсіби қызметке дайындауға бағытталған. Бұл білім алушыларды оқытудың белсенді жеке нысаны, оның барысында жеке жоспарлар мен тапсырмаларға сүйене отырып, өз бетінше жұмыс істеу дағдылары дамиды.
Кәсіби практиканың негізгі мазмұны болашақ маманның кәсіби қызметінің сипатына сәйкес келетін ұйымдарда немесе мекемелерде практикалық, оқу немесе өндірістік тапсырмаларды орындау болып табылады. Кәсіби практика теориялық білімді практикалық дайындықпен тиімді үйлестіруге мүмкіндік береді және студенттерге таңдалған білім беру бағдарламасына тән дағдыларды қалыптастыруға бағытталған.
Кәсіптік практиканың басталу және аяқталу күні академиялық күнтізбеге, жұмыс оқу жоспарына және білім беру бағдарламасына сәйкес білім алушылардың кәсіптік практикаларын өткізу кестесімен белгіленеді.
Кәсіптік практиканың мақсаты білім алушылардың теориялық оқыту кезінде алған білімдерін кәсіпорындар, ұйымдар, мекемелер қызметіне практикалық қатысу негізінде бекіту және кеңейту, оларды кәсіптік қызметте қолдану қабілетін қалыптастыру, өзіндік және ғылыми-зерттеу жұмысының практикалық дағдыларын, сондай-ақ қажетті жалпы мәдени және кәсіптік құзыреттерді кеңейту болып табылады.
Жоғары оқу орнынан кейінгі білім берудің кәсіптік практикасынан өтудің мақсаты білім алушыларда инновациялық тәсілдер мен технологияларды пайдалана отырып, құқық қолдану іс-әрекеттерінің әртүрлі түрлерін дайындау және жүргізу бейініне сәйкес дербес практикалық қызметке дайындықты қамтамасыз ететін кәсіптік қызметке оң уәждемені қалыптастыру және кәсіптік құзыреттіліктерді дамыту болып табылады; білім алушыларға инновациялық тәсілдер мен технологияларды пайдалана отырып, жобалау, сындарлы, ұйымдастырушылық, коммуникативтік және тәрбиелік функцияларды орындау тиімді құқық қолдану; кәсіби дайындық саласындағы психологиялық-педагогикалық және құқықтық білімді бекіту және нақты теориялық және практикалық мәселелерді шешуге шығармашылық көзқарас дағдыларын игеру.
Халықаралық құқық кафедра студенттердің тәжірибе базасының тізім
«Халықаралық құқық» мамандығының түлектерін жұмыспен қамту 2020-2025
Халықаралық құқық мамандығы студенттерінің, магистранттарының, докторанттарының түйіндемелері
Жұмыс берішулердің мінездемелері
"Халықаралық құқық" мамандығы бойынша бакалавриат түлегінің моделі
"Халықаралық құқық" мамандығы бойынша магистратура түлегінің моделі
"Халықаралық құқық" мамандығының докторантура түлегінің моделі
